गाउँको लाग्छ माया
देशको लाग्छ माया
तिम्रो लाग्छ माया
सबको लाग्छ माया
नत्र यतै रेगिस्तानमा मायालु लुकाइ दिन्थे काया
।२।
बाँच्न पैसा चाहियो
अनि खाडी आइयो
सबलाई माया लाइयो
शुखदु:ख खाइयो
एकान्तमा गम्दैछु मायालु के के पाइयो के के गुमाइयो
।२।
ठुलै सपना साँचियो
खुशी भई नाँचियो
कहिले मन भाँचियो
आफ्नो पराई जाँचियो
कहिले काँही एकान्तमा मायालु रुंदै बाँचियो ।२।
दिनदिन ड्युटी धाउँदैछु
महिनाबारी पाउँदैछु
दिलोज्यान लाउँदैछु
नुनको गुन गाउँदैछु
पर्खि बस मायालु म त फर्की आउँदैछु ।२।
११
मार्च २०१३
अल
हिलाल, कतार
No comments:
Post a Comment